中央政策組同中大噚日開咗個有關稅制嘅研討會，請到𠵱家喺中大當講座教授，九六年諾貝爾經濟學得主莫理斯爵士主講，當然係座無虛席，民主黨嘅馬丁、自由黨嘅田少、民建聯嘅陳鑑林等都到齊，佳叔梗係好鬼高興。不過，莫教授嘅理論就唔易明，簡單一句就係徵收邊種稅都可以，香港可以諗擴闊稅基，又可以徵銷售稅。
咁難明白，八方只好請教在場嘅稅務局局長劉麥懿明。劉太話，香港今年嘅稅收真係好大鑊，印花稅同博彩稅都肯定收唔足，政府係要諗計，所以要嚟聽吓意見。
八方問，香港如果再唔掂，唔知係咪要想吓調低免稅額，等多啲人跌入稅網，局長苦笑，都冇法啦。
﹙圖﹚稅務局局長劉麥懿明
傳真︰2623-9278
電郵︰