昨日下午二時許，楊恭如母親坐車到尖沙嘴，對於女兒日前被襲，楊母說：「我哋保留追究權利，我可以肯定咁話我哋知邊個做，嗰個人有頭有面，係我識得嘅人，我認得佢係邊個。佢都冇文化嘅！有乜事都唔可以出手打人嘛！我公開話認得佢，係想畀佢知唔好以為做咗啲嘢冇人知，費事佢再傷害我個女呀。」
楊母強調恭如乃首次被襲，她聲稱事件已交予警方處理，不會要求對方道歉，她說：「我好心痛，個女太斯文先會俾人蝦。」
楊母談到恭如與周正毅緋聞時，表示不會阻止女兒與對方來往，她說：「個女始終都咁大個咯。」至於早前周正毅接受訪問曾表示與恭如劃清界線，楊母則說：「人哋鍾意點講咪點講囉，每個人都有言論自由。」