香港大學成立本地首個佛學研究中心，噚日嘅開幕禮重搵咗特首夫人董趙洪娉做嘉賓，莫非董太對佛學都有研究？原來唔係，董太喺一開始致辭時已經講明，佢好慚愧，只知道佛教係導人向善。佢重話希望可以學習吓佛學，唔知道研究中心肯唔肯收佢做旁聽生㖭。照八方話，重量級人馬如董太，校方又點會唔收吖！
研究中心喺今個學年，開辦佛學碩士課程，有四十八個學生，藝人顧紀筠都係其中之一，不過就係以兼讀形式修讀。八方知道，顧紀筠係喺九六年接觸佛教，九八年成為佛教徒，佢重同人講笑話自己唔係一個好乖嘅佛教徒。八方就話，佢肯用咁多時間去修讀課程，又曳得去邊吖？
﹙圖﹚董太（右二）問身旁嘅校長徐立之肯唔肯收佢做佛學碩士課程嘅旁聽生。
傳真︰2623-9278
電郵︰