楊恭如日前在銅鑼灣COVA餐廳內遭一名少婦襲擊，昨日楊恭如及楊母分別承認知道對方是誰，但不肯透露該人身份。另一方面，楊恭如緋聞男友周正毅不知是否為了避鋒頭，昨日突然離港，但他表示不會減少與楊恭如來往。
楊恭如日前遇襲後，與上海首富周正毅的緋聞鬧得更為熾熱，周正毅昨日傍晚獨自坐車由渣甸山寓所到機場，身穿運動裝、戴cap帽的他，與同樣戴cap帽的姪兒在機場會合後，一同離港到上海。
周正毅在機場接受訪問時一臉無奈，他表示沒有致電慰問楊恭如，被問到太太毛玉萍可會與他往上海，他說：「唔會。」問他與楊恭如傳緋聞，太太有否生氣？周正毅說：「我同太太都唔睇報紙嘅。」
我形象受損晒啦！冇晒啦！
有傳恭如被襲時，周正毅正與她喝茶，他卻說：「唉，唔知咁報道有乜目的？」楊恭如昨日接受電台訪問時表示知道誰人施襲，周正毅聞言後呆着默不作聲，然後說：「影幾張相就寫到咁咁咁……」
問周正毅會否減少與楊恭如聯絡？他說：「唔會，大家朋友，而且大家係上海人，平日交往係正常社交活動。唉，我形象受損晒啦，冇晒啦。」其後周正毅又謂他與楊恭如的形象都因此事受很大影響，至於會否影響工作？周正毅說：「唔多唔少啦，我啲朋友都應該知道晒，不過朋友都知我唔係咁嘅人。」
一定唔會背住個門口坐囉！
另一方面，楊恭如昨日接受電台節目訪問時，被問到有沒有想過襲擊她的人是誰時，她說：「如果話冇諗過就係假嘅，但係我唔會公開佢係邊個，亦唔方便講。」但她表示暫時不會作出追究。
楊恭如雖曾因此事受驚失眠，但昨日在訪問中亦有說有笑，看來心情已經平復下來，她說：「有咁突然嘅事發生，始終都會唔開心。但𠵱家冇乜嘢，好番好多啦。」
昨日有消息指楊恭如被襲時，是和一個頭戴cap帽的男子在一起，問到事發時她的媽媽與一位男士是否在場時，楊恭如說：「當時我媽媽去咗廁所，唔喺我身邊，而另一位男士都唔喺度。我係背住門口坐，我嗰時講緊電話，唔知有人行埋嚟打我、襲擊我，我完全預計唔到。都未反應到佢已經走咗。」問她會否因此留有陰影，她笑說：「一定唔會背住個門口坐囉！」
唔想再答關於周正毅嘅嘢
被問到經過此事後會否與周正毅減少來往時，楊恭如說：「因為呢件事近期報道好多，好多是非都出咗嚟，喺上次記者會上我都講過唔想再答呢方面嘅問題，所以以後都唔想再講呢件事啦。」
對於經理人文雋聲言會為她請保鑣一事，楊恭如說：「呢幾日冇嘢做應該唔會出街，如果平時出街飲嘢買衫，會搵公司啲同事陪我，保鑣暫時唔需要，除咗要做嘢啦。」
採訪、攝影：羅慧敏、林德雄、何國豪