日本女優真係唔易做，好似被喻為新一任「治療系女王」嘅吉岡美穗，出道三年都傳過唔少負面新聞，最近佢終於喺第一套孭飛嘅日劇煞科嗰陣，喺片場開心到忍唔住喊咗出嚟。 其實吉岡做嗰套《阿P的女友》都唔係乜嘢重頭劇，只係喺深夜一點幾播嗰種，但係吉岡為咗呢套劇通宵趕工，煞科嗰日重啱啱通完頂㖭。問吉岡做乜喊，佢話：「我聽到導演讚我做得好咪忍唔住囉！」