金鐘港麗酒店間意大利餐廳Nacholini’s俾人叫「高官飯堂」，絕非浪得虛名。八方噚日食晏時候喺飯堂打咗個白鴿轉，就見到差不多近一半餐枱有高官坐鎮：房屋及規劃地政局局長孫明揚同房屋委員會主席鄭漢鈞坐喺近門口。八方只見兩人密密斟，唔知係咪講緊即將出籠的托市措施。但有官場好友話，行政會議今日重未係時候講托市招數，期望政府今個星期出招嘅地產商必定失望。
經濟發展及勞工局局長葉澍堃坐窗口位。據聞葉局長最愛這間餐廳嘅自助頭盤，貪佢夠意大利風味。佢隔籬枱係現在貴為中央外經貿部顧問嘅前工商局局長周德熙。
有趣的是，幾位現任高官兩點就埋單走人，唔知係咪趕住開會？
傳真︰2623-9278
電郵︰