立法會政制事務委員會噚日開會，傾高官申報利益機制，原本有不少火花，但到咗吳亮星議員一發言，成個議堂即時滿場笑聲，全因星爺嘅話惹人遐想。話說大家講講吓，扯到英美嘅申報制度，民主派議員質疑做乜學啲唔學啲。
輪到星爺發言，佢話各處鄉村各處例，例如英國嘅大臣守則，唔單止配偶，連「伴侶」嘅資產都要一併申報，佢話「伴侶」定義會引起爭議，到底係指情人定密友呢？真係好難定義。
以香港傳媒報道手法，啲高官隨時會有三五七個「密友」冇申報，佢重七情上面鬼咁肉緊咁話：「如果英國嘅大臣守則用在香港，我就暈暈哋啦！」有口痕友即刻聯想到，莫非佢都有好多「密友」？
﹙圖﹚唔知吳亮星有幾多「密友」，令佢咁驚申報呢？
傳真︰2623-9278
電郵︰