陳百祥（阿叻）前晚提到霆鋒通櫃後肛門發炎時指霆鋒若是普通人，就不會有此結果，他說：「良禽擇木而棲。」矛頭直指英皇娛樂。楊受成則反駁阿叻：「好心佢哋做好自己盤生意」。
陳百祥、何韻詩、陳小春、麥浚龍、EO2及E-kids，前晚於大學會堂出席港台舉辦的「全港普通話歌唱大賽總決賽」。阿叻前晚被問到早前曾志偉在夜總會消遣後打記者事件時，話語中似已有弦外之音，他說：「我冇睇到喎，佢唔飲酒就唔會俾人仆穿頭啦，我又勸唔到佢戒酒，飲咗都唔知自己做乜。朋友就話唔怪佢啫，怪佢就用電筒關照佢啦。」
提到霆鋒入獄事件，問阿叻有否慰問老友狄波拉，他說：「唔使個個問候嘅，在心中啦。霆鋒係我世姪，雖然佢唔啱，不過都係樹大招風，普通人冇咁『杰』嘅，尤其係……」阿叻說到此忽然笑着收口，似另有所指。
問到霆鋒通櫃致肛門發炎，阿叻竟說：「唉，總之一句，良禽擇木而棲啦。」矛頭直指楊受成任老闆的英皇。阿叻是否指霆鋒簽錯公司？他笑說：「你哋講咋，我冇講過，我唔會答㗎。」
楊受成昨日語氣平靜地在電話中說：「好心佢哋做好自己盤生意，唔好噏埋啲無謂嘢。」
而與霆鋒十分老友的何韻詩，被問到有關霆鋒的問題時則封口不談，她避忌地說：「公司話唔講得呀。」其所屬EMI唱片公司人員隨即表示公司於霆鋒被還押後，為免話題敏感，即下令旗下所有歌手都不能談論霆鋒事件，至於犯戒會有何懲罰？阿詩說：「炒囉，炒你個頭囉。」
而環球、新力及華納唱片等昨日都表示不考慮禁止旗下歌手談論霆鋒。
採訪：駱華齡
攝影：陳烱威