德國寶馬車廠為迎擊保時捷Cayenne及福士Touareg等多款新車，故最近正落力研製Facelifted新版X5，雖然造型看似沒有多大改動，但經改良後嘅引擎配搭，卻予人有更強勁嘅性能表現。
有望於明年夏季推出市場嘅Facelifted新版X5，車首造型、泵把及頭燈組合都被略作修改，望落變得更見跑味之餘，亦見有一份剛勁感；不過由於新車仍在研製階段，故此暫時未知確實嘅車廂配搭。
至於機械方面，其中一台4.4公升V8引擎，就會採用上寶馬最新嘅Valvetronic技術，因而令馬力輸出增至333匹（較現有型號增多約47匹），同時重有耗油量低嘅特性㖭；匹配一套全新6前速自動波，更能令新車有出色嘅性能表現。有興趣嘅朋友，就要密切留意確實推出日期喇！