金管局總裁任志剛，自從上次同財政司司長梁錦松一齊做咗場「合作愉快」騷後，自動低調，點知上個禮拜四又俾人傳，話佢學佢老友許仕仁咁遞信唔撈，理由當然又係同阿松不和；消息尚未經傳媒廣泛報道，美電滙價已經炒起，翌日金管局同司長惟有又高姿態否認。
知情人士話，今次消息同上次唔同，與Mr.Source無關，而係源自外滙市場，相信有班炒家，想試一試政府條底線。港元滙價敏感非常，財赤一日不降，炒家隨時出擊，而老任作為聯滙制之守護神，肯定不斷俾人傳，至於傳傳吓會否變真，就要睇阿松啦。
傳真︰2623-9278
電郵︰