正在獄中的謝霆鋒，日前因「通櫃」而引致肛門發炎，身為霆鋒好友的陳奕迅，認為此事十分平常，而日前曾以「過來人」身份回應有關謝霆鋒入獄一事的古天樂，昨日出席新片宣傳活動時，則不願多回應。
古天樂昨日到銅鑼灣皇室堡，與一眾歌迷欣賞新片《我家有一隻河東獅》。曾在少年時犯事入獄的他，前日以過來人身份勸喻傳媒應給予正在獄中的謝霆鋒多點空間。不過昨日古仔對於霆鋒因接受探肛的例行檢查（俗稱「通櫃」）而引致肛門發炎一事不願多談，他說：「霆鋒發炎要我回應啲乜呀？」
而一眾英皇歌手則十分關心霆鋒，容祖兒（Joey）和陳奕迅（Eason）昨日在銅鑼灣為新片《魂魄唔齊》宣傳，被問到霆鋒肛門發炎一事時，Eason說：「係咩？嘻……其實好平常啫，冇外皮包住嘅肉通常都會敏感、易受傷啲，有時去廁所抹得太大力都會損啦！重要睇用乜嘢紙質。不過我要講嘅講晒，你哋遲啲見佢先問啦！」Joey則說：「係咩？乜通好多次㗎？我諗佢爸爸媽媽會諗辦法幫佢。」
Twins的鍾欣桐表示知道「通櫃」是甚麼一回事，她在葵芳簽名會上說：「乜咁大件事？好慘喎！」而蔡卓妍說：「係咩？唔知喎！希望唔係真啦。」
現時與霆鋒仍有合約的寰宇電影公司老闆林小明，前晚在電影《我老婆唔夠秤》慶功宴上說：「今次對公司嘅電影計劃都有多少影響，不過好多人都拍過監獄題材嘅戲，唔算特別，所以唔知會唔會搵霆鋒拍呢類戲。」
此外，Joey為H2O+拍攝新一輯廣告，還找來師妹3T之一劉思惠（Maggie）一同演出，兩人在廣告中為好姊妹，但因Maggie較青春，吸引了男主角的注意力，不過Joey用過產品後即變得豔光四射，令男主角眼前一亮。