香港股市上周下試「九一一」後的低位，相信今日更大鑊，事關美股上周五又跌至五年新低。
樓又唔掂、股又唔掂，香港莫非氣數已盡？求上主賜多啲智慧畀阿董（以及阿松、馬仔、孫公等等等高官）至得。
眾多港股中受創最深的要數李嘉誠旗下的長實及和黃，俱跌至四年新低，但八方噚日睇《紐約時報》，坐擁最多港股的美國大基金譚寶頓（FranklinTempleton）旗下的基金經理JeffEverett，表示繼續支持誠哥，幫誠哥講盡好話。
呢位JeffEverett掌管一千六百億港元的基金，在六月底時手上有九千八百萬股長實，持股量僅次於誠哥，所以佢嘅一言一行對長實影響很大。
Jeff認為，誠哥有如美國股神畢菲特；又說亞洲區現在賺錢機會多的是，而在這個地區能爭取最好的投資機會，「誠哥肯定是第一個做得到。」
咁又係嘅，香港就一定係啦。
傳真︰2623-9278
電郵︰