汪琳及梁雪湄昨日在九龍城廣場擔任一時裝展的表演嘉賓，汪琳說：「早排我同幾位朋友去咗泰國玩，因為日日游水，所以皮膚曬到好黑。今次旅行，我可以充份咁休息幾日，我覺得好輕鬆同開心，遲吓我要幫無綫拍《花樣中年》，同方中信合作演出。」
方中信是出名型男，汪琳亦很欣賞他，對於今次合作她亦有期望，汪琳說：「聽講方中信電力驚人，到時就知係唔係。」
此外，梁雪湄昨日出席時裝表演時，則透露早前曾到泰國旅行，而且帶備了多件三點式泳衣。
梁雪湄說：「𠵱家趁後生着三點式泳衣游吓水同曬吓太陽，不過我搽咗防曬油，所以並冇曬黑到。今次泰國之旅，我都叫朋友幫我影咗唔少相。」