天水圍天主教聖葉理諾聖堂，噚日正式落成啟用，呢間教堂同傳統嘅好唔同，好有現代感，好光猛。入面嘅裝飾好有藝術感同寓意，中間有一座耶穌吊在十字架的聖像，栩栩如生；教堂玻璃牆用咗七彩玻璃構成天主六日創造世界嘅過程，後面有一個小型瀑布式聖水池。
呢個聖堂地價連建築費大概近一億元，係已故天主教香港教區樞機主教胡振中九五年拍板興建，噚日由新任主教陳日君主持啟用儀式。
陳主教近日採取強硬姿態批評擦鞋政客同政府，不過對住一班信眾都唔知幾咁和藹可親，企喺度同教友簽名影相成個鐘！
（圖）陳日君主教對教友要求簽名來者不拒。
傳真︰2623-9278
電郵︰