袁詠儀（靚靚）的胞妹Michelle，大前日跟男友Patrick結婚，並於尖沙嘴一酒店擺喜酒。久未出唱片的張智霖（Chilam）上台高歌贈興掀起全晚高潮，他為免搶掉新人風頭，唱了一曲後亦識趣地與新郎合唱。
二十九歲的袁詠儀與男友張智霖拍拖多年，一直未聞二人喜訊，結果靚靚被胞妹Michelle搶閘結婚，為靚靚家帶來首宗喜事。大前晚，靚靚胞妹Michelle與拍拖多年的消防員男友Patrick，在尖沙嘴喜來登酒店擺喜酒，二人包下三樓所有宴會廳，筵開三十三席，熱鬧非常。
身為長輩的靚靚，一身高貴打扮赴會，並跟Chilam齊齊穿上黑色情侶裝，至於到賀賓客則有江欣燕與夫婿吳積遜、上山詩鈉一家三口等。雖然靚靚、Chilam和江欣燕平時均愛開玩笑，但因大前晚男女雙方親友眾多，為免失禮，一班搗蛋鬼惟有整晚乖乖坐下來。
婚宴舉行期間，有人建議Chilam上台高歌助興，身為歌手的他，為畀面女友，即上台獻唱張學友的《你的名字我的姓氏》，聽得台下賓客拍爛手掌，安哥聲不絕於耳，但Chilam為免搶了一對新人的風頭，於是拖新郎哥落水，要與他一起合唱情歌，認真識做。
婚宴約在凌晨十二時結束，靚靚離開時，記者欲跟她傾談幾句，但靚靚只興奮地說：「多謝多謝！」然後便匆匆離開。
採訪、攝影：娛樂突發組