民主動力同香港民主促進會噚日搞咗個研討會，題目係：民意係咪支持民主，請咗一大班專門做民意調查嘅學者做嘉賓。八方見到一個着住西裝嘅男子，好靜局咁坐喺演講室正中間，望真啲，竟然係中央政策組顧問曾德成，呢位稀客唔通嚟踩場？
原來研討會原本係請林瑞麟，但係林局長貴人事忙，於是將個波拋畀CPU首席顧問劉兆佳，佳叔再拜託曾顧問去，真係轉折。
不過曾顧問唔係齋坐唔出聲，佢聽見鬼佬學者戴高禮話今年十一月開全國人大會議，即刻提問，點知戴高禮連自己講錯都唔知，結果要劉慧卿提醒，係黨大會，情況都幾尷尬。曾顧問事後被人問到有冇其他意見，就醒目耍手唔講，因為費事俾人以為撩交嗌喎！
傳真︰2623-9278
電郵︰