港股上周五雖回升67點，收9051，但恒指則連跌6周，打破過往連跌5周例有反彈的走勢，可見港股走勢疲弱。上周五杜指再跌188點，收7528，再創近5年收市新低，形勢不妙，對港股今日亦有壓力。
不過，趙飛雲不會在現時水位再追買Put輪，只會等候大市見底時反手做好，目前正在揀出數據較佳而又有可博之道的藍籌及恒指Call輪。當然，大市經過一輪急跌後，很多Call輪其實都偏貴，欠缺值博率，例如中移動（941）近期正股走勢轉佳，但Call輪則全部偏貴，買唔落手。
一般散戶主要炒股票，跌市中只有捱打或離場觀望。炒輪則難度較高，除要了解窩輪基本玩法，更需要識睇市及貼市，掌握資訊更要快速準確，一般散戶未必夠條件玩，除非出現較持久升市或跌市，否則亦不易獲利。
恒指由5月高位12021見頂回落，跌至上周四低位8915，已跌3106點，累積跌幅25.8%，技術已超賣，若能守住8600-8800，或有800至1000點反彈，可伺機買入恒指Call輪9552。
雖然趙飛雲唔算線路縱橫，其實每日都有啲股仔消息，但聽消息炒股通常一啖沙糖一啖屎，過往筆者秤過基本質素唔太差，而技術走勢亦似樣，有可博之道的股仔亦會和讀者分享，不過現時大市不就，趙飛雲亦不敢隨便推介，等待整體氣氛轉好時再推介。
趙飛雲