我Apple姐雖然喺名氣界打滾，但都好留意娛樂新聞，好似前排香港戲院成日話要減價吸引觀眾入場睇戲，真係令人欷歔。睇到呢啲新聞，真係不得不讚吓「六叔」邵逸夫，佢真係對香港電影好有貢獻，因為佢除咗製作好多好戲，重成日去戲院睇戲㗎！ 捧湯漢斯 話說啱啱過咗嘅星期日，我Apple姐個世姪女喺將軍澳戲院睇湯漢斯主演嘅《末路驕陽》，就撞到六叔同佢曾經十指緊扣嘅好朋友曹眾一齊睇戲，個世姪女重話六叔周不時都去將軍澳戲院睇戲㖭，佢真係支持電影業㗎喇！