白鴿黨主席馬丁近排為二十三條日忙夜忙，難得噚日星期日放假，重有閒情逸致落地區參加一個綠色樂悠悠嘅活動，見到成班街坊，馬丁成個人都醒晒。
馬丁前兩日同八方講起話，以前立法會十月復會，特首會馬上發表施政報告，不過今年施政報告一月先至講，馬丁講笑話陳四萬前幾日就代替阿董，喺海外發表咗施政報告為香港把晒脈啦。
唔講唔知，原來馬丁某程度都幾支持食力簡，事關反對雙村代表制嘅新界人，前排遊行大大聲話有雙村代表就有雙特首，馬丁不知幾贊成，重話若然有由小圈子選出嘅一號特首，就可以有直選產生嘅二號特首，到時各自為政，香港就有機會衝出生天！
（圖）馬丁噚日出席綠色樂悠悠活動。
傳真︰2623-9278
電郵︰