趙世光紅顏知己譚玉梅及其妹妹譚紅梅，前晚出席以「DresstoKill」為dresscode的ChristianDior香氛派對，兩姊妹完全跟足大會指令，性感冠絕全場。而妹妹譚紅梅身穿一件白色低胸連身裙，完全不設防，酥胸乍現，誘人至極。
趙世光紅顏知己譚玉梅（Mary）及其妹妹譚紅梅（May）前晚先後赴交易廣場的In.X餐廳，出席名牌ChristianDior旗下的DiorAddict香氛派對，邀請了歌星蕭正楠及名模陳小韻及Rosemary演繹香氛show。為切合DiorAddict主題，大會以「DresstoKill」為dresscode，不少名人均以性感裝束赴會，而馬清偉姨甥女鍾嘉棣則偕同男友到場。
其中譚玉梅及譚紅梅這對姊妹花最為搶鏡，譚玉梅一身黑色吊帶露背低胸裙，前後皆有看頭，但妹妹譚紅梅的白色連身背心裙則盡展驕人身段。真空上陣的她，刻意扣少幾粒鈕，絕對是性感爆燈，吸引全場目光，最切合大會「DresstoKill」的主題。
剛於英國回港的譚紅梅笑着說：「件衫係家姐送，我覺得件衫好靚，唔會覺得好sexy。件衫着唔到bra㗎，不過我喺屋企照過鏡，唔會走光。我都唔係成日着得咁sexy，為咗配合今晚個party至咁着，可能都低胸得滯，不過英國開放啲，好多鬼妹都唔着bra。我平時喺香港會着少啲性感嘅衫，着得sporty啲。」
譚紅梅透露近日處於休息狀態，心廣體胖，肥了五磅，現時體重一百二十磅。紅梅上圍驕人，問她有否作豐胸護理，她說：「我都冇乜特別豐胸，我得二十幾歲，到三十五歲諗都未遲。」
此外，譚紅梅還透露正計劃與家姐玉梅創業，她說：「我哋諗住做批發，會入口家鄉哈爾濱嘅木材同埋參茸中藥，不過𠵱家重考慮緊。」