林煥光自從由局長轉任特首辦公室主任後，就好似銷聲匿迹咁。日前喺一個國慶酒會上，八方見到林兄站在台下，覺得很奇怪，問佢點解唔上台同啲嘉賓舉杯祝酒？林主任話，唔使咯，企喺台下幾好吖。
國慶酒會唔同人爭出風頭，噚日有個孔誕大典，主辦單位請林瑞麟同埋羅范椒芬主禮，但佢哋都唔得閒出席，反而身為佛教徒嘅林主任肯獨挑大樑，重向孔子像獻花。不過佢保持一貫低調作風唔肯致辭，連記者問佢噚日朝早政府集思會講過啲乜題目，佢都話要留番有關嘅問責局長向公眾交代。不過噚日孔教徒又再爭取將孔誕列為公眾假期，唔知林主任點樣安撫佢哋呢？
﹙圖﹚林煥光出席孔聖誕時，雖被大批傳媒「圍攻」，仍保持一貫低調。
傳真︰2623-9278
電郵︰