范姜前晚出席Menthoderm新產品發表會，她日前發律師信予章小蕙的母親周婉筠，要求章母就早前公開指摘她的言論道歉，事後章小蕙指范姜欺負其年邁母親。
前晚范姜對此回應說：「老人家人生經驗比我哋豐富，更應該知道乜嘢講得，乜嘢唔講得，唔可以隨便講嘢去傷害人。唔通七十幾歲嘅阿婆，攞把刀去斬完人，又可以話唔好拉我、唔好蝦我咩？我從來冇講過佢乜嘢，𠵱家係我俾人話，我先係受害者，我只係要佢道歉，還我清白，我就唔會告佢。」
范姜續說：「我唔想影響菲傭偷錢單案件先會出信要佢澄清，對於佢指摘我嘅七宗罪，其餘六宗佢話嘅罪，等於有人會話我好，有人會話我唔好，係啲八婆嘢嚟啫，我一笑置之，唔同佢計較。我同得阿B一齊，已經做咗半個娛樂圈人，呢啲嘢只可以當家常便飯，影響唔到我，我依然食得瞓得。」
採訪：卓美娟
攝影：何國豪