噚日民政事務總署搞咗個全港青年學藝比賽展覽，展出幾十幅得獎作品，比賽項目包羅萬有，結果總共吸引咗一萬五千幾個大、中、小學學生參加。其中只有十二歲、囊括咗小學組原子筆（硬筆）組冠軍同埋毛筆組季軍嘅陳俊康，噚日都有出席。佢靜靜雞同八方講，啲字寫得靚其實唔係為攞獎，而係為咗老師讚美嘅滿足感。
陳俊康話平日會用一、兩個鐘練字，而寫靚字要用好多時間，大約二十分鐘先可寫到一百五十字，所以考試嗰陣，絕對唔可以好似比賽咁慢條斯理。有興趣市民可以聽日去中環大會堂睇吓陳俊康啲字，係唔係真係咁靚。
（圖）只有12歲嘅陳俊康話，啲字寫得靚，會好有滿足感。
傳真︰2623-9278
電郵︰