一向敢言的黃秋生前晚在「2002CASH金帆音樂獎頒獎禮」獻唱《男人四十冇得撈》，他完整地唱出所有粗口歌詞，他還說：「多謝大會尊重我，畀我唱晒成首歌。我都唔明點解好多機構同活動都唔畀我唱，唔知係粗口定字眼令人不安？」
提到基本法二十三條，黃秋生說：「乜我啲歌係洩露國家機密咩？啲惡法唔使聽，放屁得唔得呀？條條例咁空泛我當然唔贊成，啲官最鍾意掩耳盜鈴，乜都話自己啱㗎啦，同犯法做賊冇乜分別。」
另外，何韻詩前晚獲得「最佳女歌手演繹獎」，打低同被提名的葉德嫻、鄭秀文及楊千嬅。當頒獎嘉賓譚詠麟讀出提名名單時，讀到葉德嫻名字，全場掌聲如雷，阿倫即說：「咁多掌聲一定係呢個啦。」結果由何韻詩得獎，阿倫感到有點尷尬，對上台領獎的阿詩說：「唔好意思呀。」