如果讀者有留意噚日報紙招聘版，就會發現一份年薪可能高達五百至五百五十萬的高薪厚職，正等緊有緣人。這要多得積金局現任行政總監許仕仁早前遞信唔撈，積金局委託的獵頭公司終於出手，登報公開招聘繼任人選。
之前官場盛傳兩位陳太有機接任，一位係勞工處處長陳甘美華，佢機會似乎微啲；另一位係現任積金局營運總監陳唐芷菁。不過，亦有傳積金局有意向商界挖角，所以廣告上其中一項資格，就係：求職人在財經、銀行、會計及公共行政等範疇，有高級管理經驗；明顯想吸納商界精英。
據八方所知，「仙股事件」前，不少政府中人聽聞許仕仁退休，都對個位虎視眈眈，皆因高官都視呢類公營機構為油水位。不過「仙股事件」後，大家見到「人辦」鄺其志的遭遇，先知呢啲位未必咁好坐，一個唔好彩中箭下馬，一世英名臨尾香就認真無謂。所以廣告上重有幾項要求：要有很強的政治判斷力、公眾問責意識，與政府及私人機構保持溝通。係咪預咗繼任人可能要應付「仙股事件」一類的危機？
傳真︰2623-9278
電郵︰