「𠵱家等得到入稟法庭我都好開心，之前我諗等到我「瓜老襯」都未必等到！」何賽雲對於記者到訪，告知申請司法覆核的消息顯得滿心歡喜，何婆婆現與幼子同住，每月為二千一百一十元的租金煩惱不已，不但要節衣縮食，動用每月七百多元的「生果金」，有時還須向朋友賒借來交租。
何婆婆坦言，幼子每月給她的家用，實不足以支付租金水電雜費和生活費，不過，縱使日子艱苦，何婆婆每日也會到屋邨的老人中心當義工和吃午飯，若中心有剩餘的飯菜便會帶回家當晚餐，盡量減少支出，連五日前中秋節剩餘的餸菜亦留來吃，慳儉程度可見一斑。何婆婆無奈透露將保存多年的金飾典當幫補交租，當中還包括一隻丈夫留給她的玉鐲。
月付二千多元租金，何婆婆直言租金貴，每月入不敷支。「支持！梗係支持啦！」放工返家的幼子對於其母的行動大表贊成，他表示：「我幾年都未飲過茶，連屋企嘅電器壞咗我都冇錢買，只好自行修理，連張梳化都係人哋送畀我嘅！」，他不諱言有時亦有向老闆借糧來幫補生計。但他堅持不申請綜援，寧願自食其力。
本報記者