古天樂昨日在尖沙嘴出席HUGOBOSS的活動，他被大會委任為「BOSSINMOTION動感大使」。古仔早年曾因行劫坐監，他昨日以過來人身份大談因為串謀妨礙司法公正罪成在獄中等候判刑的謝霆鋒，古仔說：「做錯嘢係應接受懲罰，懲罰只係經歷，我希望霆鋒可以收拾心情，迎接將來。佢係呢行不可多得嘅人才，大家要珍惜同畀多啲私人空間佢。」
有傳霆鋒因為「頂包案」，形象受損，他的多個廣告都過檔到古仔手上，古仔說：「呢啲要問我經理人Ronnie。」就是昨日HUGOBOSS的活動，有傳古仔也是執霆鋒二攤，但Ronnie否認說：「呢啲唔係事實。」
此外，古仔今日將到銅鑼灣出席電影《我家有一隻河東獅》的宣傳，他否認張栢芝推辭宣傳，古仔說：「我哋唔係佢心底一條蟲，我覺得宣傳係分工合作。」
採訪、攝影：陳梅香