「點解媽咪個胸咁大？」、「點解我唔可以企喺度小便？」、「點解我無爸爸咁多毛？」……諸如此類的問題，往往問到父母口啞啞！但近年備受肯定的性教育告知家長已不可胡扯「講你都唔明」等晦氣話。可有想過跟孩子上一課親子浴？親子浴可說是最直接的性教育，讓孩子真實地認識自己和成人，或男女軀體的分別。
記者：吳佩璇
攝影：周旭文
Model：Cathy、綽兒
鳴謝：香港家庭計劃指導會教育組
（部份圖片來自家計會刊物）、富豪九龍酒店
爹哋媽咪同仔仔囡囡齊齊洗白白，看似簡單，但香港家庭計劃指導會教育組主任李明英說：「如果父母本身覺得尷尬，就唔好勉強進行。」因為幼童對身體或赤裸概念模糊，親子同浴很多時是大人覺得害臊而非小孩。進行親子浴的首要條件，乃是父母能否接受。據家計會舉辦性教育活動時一些簡單訪問顯示，約半數家庭表示有以親子浴作為性教育的一部份。
二至三歲為性好奇的高峯期，當孩子三歲以後要上學，就要建立他們私隱概念，為免混淆，兩、三歲入學前是最適合年齡。至於親子浴的次數，李明英說：「沖一、兩次，最多三、四次就夠。」因為孩子頭一兩次看成人身體跟第十次看，教育效果也差不多。至於進行時，可父或母甚或同時一起跟孩子沐浴。一般來說，爹哋較為抗拒，但媽咪則多較易接受。總之夫妻間最好有共識，在自然氣氛下進行。
當大家赤裸裸地沐浴時，孩子多會好奇地主動發問各種問題，父母可逐一講解身體各部位給孩子認識，並乘機教授正確性器名稱。若孩子沒主動發問，家長可誘導他：「你覺得媽咪/爹哋同你有乜唔同？」透過對話形式，父母可講解成人身體的特徵及跟未發育孩子的分別。
小孩最常問以下兩項問題，家長不妨參考：
問：「點解你呢度有毛嘅？」
答：無論男、女孩子，大約十歲開始，就會踏入青春期，男仔會長鬍鬚，聲音變得低沉，腋下、陰部、胸部以至手腳都會長出毛髮；女仔除有月經及乳房開始發育，腋下及陰部也會長出毛髮，不過其他部位嘅毛髮生長就未必有男仔咁濃密。
問：「點解媽咪個胸咁大？」
答：因為媽咪是女性，每個女孩子的胸部到青春期發育時都會變大，叫做乳房。乳房嘅作用是給BB準備食物，BB只要吸啜媽咪乳房頂端的乳頭，便有人奶食。
進一步可教導私隱問題，告知孩子胸部、陰部、臀部、陰莖等都是私隱部位，游水也要穿衣服遮蔽。這些地方不可隨便讓別人觸摸，當有人給你壞的感覺時，就要叫「唔好！」。
父母首先要充實自己的性知識，才可向小孩灌輸正確觀念。坊間有不少書籍可參考，如《孩子100個SexQ&A》、《跟仔仔囡囡談性》、《「性」在家教》等。
若被孩子追問到無言以對時，可老實說「媽咪都唔識，不如我哋試吓一齊睇書搵答案」。又或遇到極其刁鑽的問題，可適當轉移視線，如「記唔記得上次媽咪同你講乳房有乜作用？」，切忌講大話或亂噏。
資訊發達，兩、三歲的小孩已接觸不少性問題。父母不要避忌，因為你唔講都會有人同佢講，最好從小教導。更不要覺得他曳或鹹濕，因為這是非常自然的事。
教導時毋須過份刻意，愈生活化愈好。如在電視廣告或行超巿時看到衞生巾或避孕套之類，就可跟他講解一番。
重申性態度保守的父母不一定要採親子浴方法，可透過書籍或VCD進行性教育。如家計會出版，適合幼童的《德德家家幼兒性教育圖書系列》及卡通動畫。
十月份家計會將舉辦一些免費的性教育課程，名額先到先得。
家計會網址:
教育組課程及服務查詢:29197734