不到長城非好漢，不到百果園非日本旅遊團。上個禮拜跟袁人祥到日本遊一趟，袁人祥一落機即請客到新宿百果園食筷子蜜瓜，每條二百Yen，一次過食幾條當晚飯，認真識計數。
袁人祥喺東京人脈廣博，消夜時間約咗竹下通（原宿Shopping熱點）班HipHop黑鬼一聚，佢哋十分出名，每日向途人兜售最新美國街頭名牌子，精通兩國語言，故有竹下通陀地之稱。席間，HipHop黑鬼取出關刀波鞋一大袋，令袁人祥雙眼發光，原來全部係關刀登撈步DoubleName鞋，最搶眼嗰對係ZooYork，每對批發價唔使一千蚊港紙。由美國黑鬼親身推銷關刀鞋，特別有說服力，話晒係飛人佐敦同鄉，點會賣假貨？袁人祥正想落Order之際，黑鬼補充呢批鞋原來係中國B貨廠最新出品，重有着草版三兄弟，全部齊盒連唔同Size貼紙，製作認真，如果未見過真貨，無從比較，根本難以分辨。
黑鬼聲稱批貨早已到晒美國，喺紐約皇后區賣百幾蚊美金當真鞋賣，反應不知幾好。因為紐約班滑板兒童只從網上見過，從未摸過真貨，買晒假嘢都唔知，呢舖可謂世紀大騙局。
主持人：大食Jack
八卦熱報：