我Apple姐最鍾意行街街。星期一晏晝我喺中環嘅周大福金行睇緊首飾時，又遇到啲熟口熟面嘅人，咪係大劉劉鑾雄前愛將王穎妤囉。 同朋友逛街 王穎妤自從做番律師後，每次見到佢都係一身專業人士打扮。不過嗰日佢就着便服，白恤衫同長褲，揸住一個AnnaSui手袋。 我當時望吓表，覺得好奇怪，點解佢可以喺星期一晏晝四點幾，着住便服同一個女性朋友去金舖睇首飾？莫非佢特別請假去行街，抑或係彈性上班時間呢？