公益金昨在禮賓府舉行周年頒獎典禮，由董太趙洪娉主持。近年本港經濟不景，究竟善長仁翁有冇受到通縮影響，對公益活動熱心冷卻呢？身為公益金會長的董太在致辭時用激昂的語調說:「NO，"N"-"O"-NO，CAPITALLETTER!」果然擲地有聲──事關大家幾乎跌咗落地。
在芸芸獲獎機構中，滙豐成績最矚目，年內總共為公益金籌得超過1084萬元善款，增加9.7％，連續3年成為最高籌款機構，由總經理柯清輝代表領獎。
名列第二位的賭王何鴻燊亦相當「巴閉」，因為佢係自己一個人獲獎，原來賭王將其80大壽所收的賀禮轉為善款，捐款僅次於滙豐，長女何超瓊陪伴父親領獎，兒子何猷龍則代表母親藍瓊纓領取公益榮譽獎。長江集團、怡和集團及渣打銀行，分別位列最高籌款機構第3、4及5名。
禮賓府除官商雲集外，幫公益金便服日宣傳的歌影紅星黎明亦是座上客；他還誤以為八方等係娛樂記者，路過時好有心咁話：行開一陣，很快便回來答大家問題；點知冇乜人問佢嘢。
﹙圖﹚左起：董太、黎明、陳祖澤同柯清輝一齊出席公益金周年頒獎典禮。
傳真︰2623-9278
電郵︰