要煮出好味餸菜，當然要有靚材料配合，林太大顯身手前，先帶大家到街市揀靚料，進入剛裝設有冷氣的樂富街市，林太話比以往舒服得多，買餸就更自在。
首先林太去到一間老字號雜貨舖買雞蛋，林太話記住要照雞蛋，蛋白通透兼蛋黃圓渾的話屬靚蛋。林太揀完雞蛋揀花菇，更建議食冬菇寧可選擇貴少少的日本花菇（$200-$250/斤），因為花菇肉厚味較香，口感佳；相反平價的普通大陸菇（$60-$120/斤），菇身薄，食味會稍遜。（東樂）
接下來到凍肉舖，林太與檔主陳生頗熟絡，話檔主夠老實，而且貨品種類多，如鴨舌$58磅、鴕鳥肉$38等，這些貨品喺其他凍肉舖都唔係常見。這處的蝦，大大隻，每磅都只係$58。
來路貨有信心保證，寶生凍肉舖大部份都是外國入口貨，林太今晚要用的龍脷柳及帶子分別來自美國及澳洲，帶子重係大隻Size，每磅$70。（寶生）
漢記菜檔種類多，價錢大眾化及足秤，是林太的心水推介，揀菜林太最擅長，以她個人心得，揀四季豆除了要豆仁飽滿之外，豆本身重要夠柔軟至靚。（漢記）