鐘表界美女胡敏珊（Christie）前晚往蘭桂坊LemonGrass餐廳，為無國界醫生於本月二十七日舉行的名人明星義賣二手衫「醫者父母心」活動公布詳情。
是次活動籌委會主席Christie說：「所有明星名人捐出嚟嘅衫，我哋唔會收取任何酬勞，包括黎明、王菲、張學友、張曼玉、劉嘉玲、梁朝偉同埋Twins等名人明星。王菲捐最多衫，有成二百一十二件；而最貴嗰件就係羅麗莎捐嘅Hermes西裝褸，成二萬五千蚊。」
Christie又表示所有二手衫均以一折出售，悉數撥捐無國界醫生，她說：「因為我哋真係好佩服無國界醫生呢個組織，又想帶一個訊息畀社會，做慈善唔係一件老土嘅事，係一個潮流。」
採訪、攝影：JessicaNgan、RitaLeung