澄清住得起豪宅但冇錢
MaggieQ蘭桂坊被猛男跪

混血名模MaggieQ前晚與友人到蘭桂坊KeeClub消遣，離開時有外籍男士跪地要求她簽名。MaggieQ日前遭前業主入稟指控欠租及毀壞家具，索償五萬元。但她表示只因「盛名」所累，並強調用了五年積蓄買豪宅，並非被人照顧。

名模MaggieQ前晚十時與數位外籍友人，到中環KeeClub消遣，逗留約三個小時。
MaggieQ的男性外籍友人先坐的士離去，她才步出KeeClub。記者上前訪問她時，即有數名外籍男性途人上前搭訕，其中一位更搞笑地跪下求她簽名，MaggieQ十分開心，並欣然與他握手。

「以為我有錢」
MaggieQ早前遭前業主入稟指控她欠租和毀壞家具，索償五萬元，她對此說：「我諗喺間屋揼釘掛嘢好正常，我搬走時又同業主講會幫佢哋維修番，不過佢哋收屋時，自己搵人裝修咗，之後就fax張一萬六千蚊嘅單到我模特兒公司，同我經理人講，如果唔找數，就打電話畀傳媒。我為咗呢件事，去咗三次差館，可能佢哋以為我MaggieQ好有錢，sorry，我冇錢。」

已搬進新居
此外，MaggieQ用了約五百六十五萬元購買半山曉峰閣豪宅，她說：「間新屋係用自己錢買，已經裝修好，搬咗入去住，之前啲新聞話我俾男士照顧，其實層樓係我五年來努力工作賺番嚟。」
採訪、攝影：顏英儀