組合Shine日前乘坐郵輪往海南島，拍攝旅遊特輯，他們在郵輪上與同門師妹玩水戰，專挑短頭髮的Cookies來攻；他們更首次在郵輪賭錢，天佑只有三百元賭本，但亦贏了二百元。
組合Shine成員黃又南和徐天佑日前與同門師妹Cookies及關心妍，一同乘坐獅子星號郵輪往越南及海南島等地，拍攝無綫節目《麗星郵輪群星海陸唱遊SUPERFUN》，他們更參觀當地名勝天涯海角和鹿回頭。
Shine表示在郵輪上度過四天，一點也不覺得沉悶，天佑笑說：「絕對唔悶，因為唔使諗嘢，我直情當放假一樣。」又南則說：「我同天佑都係第一次上郵輪咋，我覺得架船有好多嘢玩，有健身室，重有賭場，我哋兩個又係第一次入去玩，我就輸咗二百蚊囉。」
天佑則笑說：「我有玩老虎機、大細同廿一點，但我嘅賭本得三百蚊，賭嘅時候就下注二十五至五十蚊，最後我贏咗約二百蚊啦。」
Shine當日與Cookies及關心妍在郵輪泳池拍攝，本來導演只要求Shine在池邊浸腳，豈料Cookies突然殺出，結果二男不敵九女，慘遭Cookies圍攻，弄到衣衫盡濕。
天佑昨日接受訪問時說：「我哋見Cookies着晒泳衣，都知大鑊啦，我哋冇着泳褲咋，啲短頭髮嘅女仔都俾我哋圍攻㗎，但我哋冇整蠱啲長頭髮嘅，因為濕咗頭要吹乾好麻煩，所以都放過咗阿Jade（關心妍）。」
採訪：朱芷瑩