最近外國方面有消息傳出，謂德國保時捷車廠正為旗下911跑車，研製新一代版本；雖然暫時未有關於此車嘅詳細資料，但據聞外形將會與舊有型號相近，實行大玩復古Feel。
有望於2004年推出嘅新一代保時捷911，車首造型大玩懷舊Feel，當中一組頭燈更與舊款型號相同，從而令造型變得更富吸引力；另外，新車重配有全新車頭氣霸組合，亦令造型變得更見惡形惡相㗎。
引擎配搭亦會依據傳統，用上水平對向六汽缸引擎，並用上6前速手動波箱及後輪驅動布局作主打，從而凸顯出一份跑車個性；而四驅及開篷型號則尚在研製中，相信要稍後時間方能與車迷見面。但由於暫時未有關於此車嘅詳細資料，故仍有待廠方公布有關細節之後，方可作實。