韓君婷早前在澳洲拍遊戲節目，跟大學生比試多項運動，甚至玩越野飛車，都平安無事，反而拍完特輯後，她行完街返酒店時不小心叉錯腳，令左腳扭傷。
韓君婷早前遠赴澳洲為無綫拍攝遊戲節目《大學群英越野狂奔》，怎料在行街shopping後扭傷左腳，其腳踝和腳板又瘀又腫。韓君婷即時在澳洲看醫生，但前日返港後沒有再找醫生檢查傷勢。
由於韓君婷答應昨晚出席諾基亞宣傳活動，所以其經理人公司StarEast已請了幾位保安攙扶她到場。昨日韓君婷在中環一間髮型屋剪髮時，記者見她左腳綁了紗布，腫得頗厲害，而且還未散瘀。
昨日韓君婷身穿牛仔短裙和背心到髮型屋，她因為左腳腫得厲害，行動甚不方便，行路時一拐一拐，每次左腳落地都露出頗痛楚的表情。韓君婷說：「今次我去澳洲幫TVB拍特輯，同當地嘅大學生比試好多運動，其中一項就係玩越野賽車，雖然比賽都有啲危險，但我都冇受傷，反而拍完個特輯後，我同爹哋去完shopping，然後搭車返酒店時，我因為落車時叉錯腳，當時聽到隻腳發出嘞嘞兩聲，痛到我即刻坐咗喺地，行都行唔到。」
當時韓父亦嚇了一跳，立刻扶她返房休息，韓君婷拿了很多冰塊敷在腳上以紓緩痛楚。到翌日起床時，左腳腫了一倍有多。她說：「醫生話冇折骨，只係扭傷肌肉，等消腫後，應該一個禮拜就冇事，原本呢個禮拜都有啲工作要做，𠵱家只好押後啦！」
採訪：陳月媚 攝影：仇志中