薛家燕（好姨）的女兒石祐珊往美國讀大學。好姨日前赴美，除親手為珊珊布置宿舍外，更為她添置七萬元用品，好姨離開時，還忍不住落淚。
薛家燕的長女石祐珊（珊珊）上月中開始入讀美國加州薩克拉門托的UniversityofCalifornia,Davis。
好姨早前除親赴美國陪珊珊入學外，還替她布置學校宿舍。好姨日前說：「因為珊珊啲華籍同學仔知道佢會嚟讀書，佢哋都好熱心，重幫手執嘢，佢哋將珊珊張床整高，等床下多啲空間，用嚟放雜物。」
好姨還跟珊珊四出購物，她說：「我買咗雪櫃、電腦同手提電話畀佢，因為知道珊珊喺校園來來回回都幾費時，所以我又買咗部單車畀佢。我本來都好擔心珊珊唔係幾識踩單車，我就建議佢不如買部有輔助車輪嘅。不過珊珊怕俾人見到尷尬，佢話寧願慢慢踩。」好姨表示這次在美國為女兒添置物品，一共花了約七萬港元。
當好姨離開美國時，兩母女更依依不捨，淚灑機場。
不過好姨表示珊珊會常致電回港，她說：「珊珊同細佬、妹妹日日都互通ICQ。」珊珊去美國前，兩母女一起灌錄新歌《一秒感動》，近日在電台開始播放，好姨表示每次聽到這首歌會特別想念女兒。
採訪：比華利