經濟唔好，唔知點算好，不如做吓善事積吓福，可能有朝一日會時來運到。香港佛教聯合會噚日舉行一年一度嘅大型放生大會兼遊船河，吸引咗成千個信徒參加，比上年遊車河嘅放生大會多咗近一倍人。八方心諗，梗係經濟差，多咗人「臨急抱佛腳」。
點知原來唔係，負責這次放生會嘅廣琳法師話：「放生對眾生有益處，經濟好唔好都會有好多人參加。」噚日嘅放生大會總共放咗成萬幾銀活魚落海，重由法師主持一個「蒙山施食法會」，超渡啲遊魂野鬼，廣琳法師同八方講，佛教嘅放生會唔係放走啲動物咁簡單，最重要係要響眾生嘅心靈上種下善因，希望將來個個做好人，而且亦會照顧埋啲見唔到嘅鬼魂。
凌樹輝攝
傳真︰2623-9278
電郵︰