近年流行講AQ，即係「逆境智商」，但係大家又知唔知AQ之父係邊個，原來係美國嘅保羅史托茲博士，佢噚日嚟咗香港演講，下個月重會親身過料畀馬會高層。八方專誠去聽吓佢有乜高見畀到𠵱家處於逆境嘅香港人，點知佢一盆冷水淋落嚟：「香港安穩了很多年，香港人很少自細便訓練孩子的AQ，現在逆境之下，我估計港人的AQ會低於水平。」
AQ博士話佢二十年前嚟過香港，呢次舊地重遊，覺得香港高樓大厦起得好快，不過，香港人嘅面口就黑咗好多，佢教八方面對逆境主要有四個技巧：先聆聽、積極承擔、分析問題所在、最後係做嘢！不過，佢就自嘲對光頭束手無策，可以話係佢人生最大嘅逆境咁話喎。
（圖）保羅史托茲博士測試過三十五萬人，發現教師及公務員AQ較低。
傳真︰2623-9278
電郵︰