是日推介靚女依琳，雖無實際工作經驗，但她有愛心，喜養寵物，有兩年養貓狗經驗，志願是開寵物店，所以想由低做起，找一份寵物店Sales的工作，各位老闆，你願意給她一個面試機會嗎？
記者：陳漢榮、李敬賢
攝影：周旭文、林栢鈞
大起底
謝依琳 21歲
學歷：中五
工作經驗：無
一技之長：上網、中英文打字、懂英語
我的志願：寵物店Sales
要求待遇：面議
聯絡我啦：
自我介紹：夢想開寵物店
Hello！我叫琳琳，最喜歡養貓狗，自問對照顧貓狗有心得，現時我家養有三隻狗Matthew、Mentol、MikeMike和一隻貓MiMi，一個人獨自應付四頭寵物不但不覺辛苦，還樂在其中，因為我的夢想就是開間寵物店。現呼籲各寵物店老闆，若你們有空缺的話，請快聯絡我，我一定會盡心盡力工作，Ipromise！
小測試
1﹒考剪毛
琳琳：「這是替貓狗剪毛的專用剃毛刨，三隻狗一隻貓，我親手替牠們剪毛，算是熟手技工吧。」
評判MikeMike：每次佢幫我剪完毛，約親GiGi都掂㗎！勁！
2﹒試梳毛
琳琳：「我知道不同的貓狗也有不同的梳毛方法，我參考過寵物雜誌，自學自做，老實說不知道手勢有沒有錯，但至少梳毛時我的寵物都會乖乖的躺着，不會典來典去，個樣重好冧㖭！」
評判Mentol：佢梳毛好似按摩咁，好鬼爽！
3﹒測常識
琳琳：「現時最受歡迎的是金毛尋回犬，壽命可長達12至13年，本地繁殖種的身價$3,000起，澳洲種至少過萬；其次是史納莎、拉布拉多犬，身價由$2,000至過$30,000都有。」絕對熟悉行情。
評判Matthew：我哋值幾多錢，呃唔到佢㗎！
老行尊教路
寵物店老闆May：「做寵物店Sales，說難不難說易不易，首要條件是你真的是個愛貓愛狗之人，這才會投入工作；另外，看多點寵物雜誌了解行情，見工時才不會被老闆問到口啞啞。」
大起底
RaymondLiu 29歲
學歷：中七畢業
工作經驗：高級工業督導員8年
一技之長：英語、觀察力強
我的志願：
1﹒跟車送貨
2﹒速遞員
3﹒酒店前堂服務員
要求侍遇：$6,000
聯絡我啦：
自我介紹：8年經驗多與印度商人溝通
失業前我喺香港印度商會做了八年高級工業督導員，工作係到不同嘅工廠驗證貨物，證明係「香港製造」並發出證書。呢一行行頭好窄，所以想轉型做其他工作。雖然我無特別技能，又只得預科畢業，但因工作關係，接觸的客戶有八成以上係印度商人，所以啲英文都練得唔錯。𠵱家我想搵一份非技術性的工作，畀個機會我由低做起，好似跟車送貨、速遞員等都無所謂。
此外，我將會修讀一個酒店前堂服務員的課程，如果有機會，我都想喺酒店業發展。
小測試
1﹒個子矮小 氣力無比
Raymond唔算高，外表都斯斯文文，佢話自己好捱得，都幾大力，所以做跟車送貨或者速遞員，搬重嘢都冇問題。叫佢表現一下自己有幾大力，佢二話不說立即抬起張三人位座椅，張椅都有成三十磅重，唔覺得佢大力，都睇得出佢肯博的精神。
2﹒英語對話 簡單易明
速遞員派文件有機會接觸外籍人士，加上Raymond想喺酒店業發展，當然要考考佢英文。Raymond用英文講出搭地鐵去東涌，或者搭船入梅窩再轉巴士到大嶼山天壇大佛。Raymond的英文好簡單，勝在易明無錯，而且講英文時好有信心。
老行尊教路
貨車司機阿強說：「做跟車送貨一定要捱得，因為一日要去十幾處地方，經常要搬搬抬抬，真係少啲氣力都唔得。其實𠵱家好少公司會獨立請跟車送貨，所以最好有駕駛執照，搵工會有着數。Raymond咁高學歷，又識英文，如果可以俾老闆知道好捱得，咁就會着數啲。」
大起底
林玉玲 46歲
學歷：工作經驗：1年和記電訊傳呼員、1年軟件公司Sales、2年資料輸入員、6年製衣廠包裝員、3年電子表廠裝嵌員
一技之長：中文輸入1分鐘60字、英文輸入1分鐘110字、Excel、Word、上網、普通話、英語
我的志願：
1﹒辦公室助理
2﹒資料輸入員
要求待遇：$5,000
聯絡我啦：93870019或
自我介紹：參與再培訓擁初級文員證書
我工作經驗豐富，刻苦耐勞，參加過「僱員再培訓計劃」，成功取得「初級文員證書」，絕對能勝任辦公室助理的工作，雖然我年紀稍大，但失業期間我做義工，支援婚姻失敗的人，替他們作情緒輔導，溝通能力與人際關係俱佳。我失業1年有多，試過一日見十五份工都無着落，不得已才申請綜援，但我想自食其力，靠雙手自力更生，不信找不到一份工作。
小測試
1﹒氣力足 工夫一腳踢
辦公室助理等於打雜，甚麼工作都要一腳踢，至少要夠力換蒸餾水，林玉玲托蒸溜水樽，輕而易舉。
2﹒考打字 專心快而準
做資料輸入員，當然打字要快，來個測試，林玉玲3分鐘打168個中文字，平均每分鐘打56字，勁！
老行尊教路
做了8年辦公室助理的Sally說：「現在對辦公室助理的要求很高，要斟茶遞水、傳送文件之餘，還要懂得簡單英語，和一定要懂得電腦操作。建議見工時盡量Sell自己在電腦方面的長處，表現要大方，衣着要端莊，務求給老闆留下做得又睇得嘅好印象。