近期一改作風，以RV作主導嘅本田代理，繼8月推出Stream嘅Modulo升級版賣個滿堂紅之後，想唔到佢哋咁快又運嚟2003年新版嘅Stream七人MPV。今趟佢哋唔玩包裝學人講內涵同安全性，除率先響同級車中採用高透光率嘅Xenon頭燈之外，重有前排四個安全氣袋組合；據知，車廂四周以高級桃木配襯嘅透氣真皮椅之餘，重有MomoDesign嘅桃木波棍的，以及有MP3功能嘅至Top音響裝置，你都咪話唔夠號召力。聽聞新車價不過較原車多畀幾千蚊，以唔到19萬嘅價錢，就可以擁有一部咁高安全性同享受嘅多用途車噃！真係好值得考慮㗎。想知道新版Stream2.0資料嘅朋友，就要留意吓明日嘅介紹喇！