先施百貨昨日於中環舉行秋冬時裝滙演，由安雅、蔣怡和陳小韻等人示範新裝。身穿bratop，外披毛毛fur背心的安雅對於謝霆鋒入獄，她以過來人身份支持他。但曾因服食搖頭丸而進入勒戒所的她，則強調自己沒有錯。
先施百貨近年銳意走年輕化路線，昨日於中環Zenses舉行「Sincere2002秋冬時裝滙演」，請來人氣影星安雅、名模蔣怡、楊崢及陳小韻等人示範新裝，散發青春活力氣息。
曾因服食搖頭丸被判入土城台北看守所勒戒的安雅，昨日示範多套新裝，其中一套穿bratop，外披fur背心，野性十足。
對於謝霆鋒串謀妨礙司法公正罪名成立還押一事，安雅以過來人身份說：「我會支持佢，我同佢唔熟，但係我知佢嘅feeling。雖然我唔知香港同台灣同唔同，但係喺裏面就唔好諗咁多嘢，諗咁多唔開心嘢，日子反而重難過，呢個只係人生一小階段啫。」
安雅又表示不覺得霆鋒今次罪成會對其事業構成影響，她說：「佢重細，支持佢嘅人都會繼續支持佢。其實明星都係人，都會做錯事，原諒我們就得啦。好似我嗰件事咁，之後都有人用另類眼光睇我，覺得我係壞人，好彩都重有唔少人支持我。」安雅強調至今為止，不覺得自己有錯。她又透露若果價錢合適及有電影配合下，她不排除會拍攝露點寫真。
而「白頭陳」陳曜旻申請破產結果本月將揭盅，其女兒陳小韻昨日行show時毫無笑容，表現甚cool，完場後更火速離場。其後她在電話中說：「我冇面黑，我一向行show都係coolcool地，有啲型格，我係咁㗎喎。」
陳小韻又坦言無論父親破產令生效與否，她亦如常生活，她說：「基本上對我冇影響㗎，我都係自己照顧自己。最好就多啲嘢做，愈忙愈開心。」