港台推出新節目「『聘』搏新年代」，專門幫人搵工。節目監製施永遠強調，呢個絕對唔係GameShow，而係雜誌式資訊節目。噚日港台重搵埋經濟發展及勞工局局長葉澍堃、立法會議員劉千石、陳婉嫻等人，一齊推廣呢個節目。
嫻姐第一個講到失業情況好嚴重，聽到啲人為價值十蚊嘅免費飯盒大排長龍。葉局長就大講一公司一份工好有用，至少幫到青年做第一份工，學到寶貴嘅人生經驗同處世學問，重自爆當年大學畢業第一份工都係做船公司，職務係人事部ExecutiveTrainee（見習行政人員），雖然只係做咗三個月，三十年後嘅今日，仍然記得船員嘅合約非常繁複。至於點解轉工？葉局長好坦白：「考到AO吖嘛，人工兩千幾，比船公司多千幾蚊！」
講番港台嘅搵工新節目，由十月六日起，逢星期日晚七點半於亞視播映。
傳真︰2623-9278
電郵︰