教育評議會嘅一項調查顯示，教育界信李國章多過信羅范椒芬。原來喺中、小學老師同校長心目中，對新上任嘅教育統籌局局長李國章有3.09分嘅信心（1分最低，5分最高）；而三個月前，由局長改做常任秘書長嘅羅范椒芬就只得2.78分，連中位數3都唔到！真係世事多變，兩年幾前，羅太做教署署長時，不知幾受歡迎，去到邊都俾人捉住影相，點估到今時今日得分咁低？
不過，教育署、教育改革和課程改革嘅信心得分重低！分別只有2.64、2.56同2.63分，全部屬於唔及格，李國章接手呢個燙手山芋，希望佢可以保持到教育界對佢嘅信任啦！
傳真︰2623-9278
電郵︰