蘋果日報慈善基金與聖雅各福群會於去年底展開「電器贈長者」計劃，安排轉贈家庭電器予一眾孤苦無依長者，迄今已有超過一百五十名長者受惠。鑑於申請電器者眾，該計劃現急需擁有客貨車的駕駛人士加入義工行列，協助運送電器到長者府上。
五十六歲的郭偉雄，是「電器贈長者」計劃的唯一一位持客貨車牌照的司機，既出車又出力的義工，他妙語連珠表示：「我做嘅服務係『迎送生涯』，先揸車同其他義工去收善長捐出嘅電器，然後將電器送上門畀啲窮苦老人，前排大熱天時嗰陣，試過要上落五層唐樓收個雙門雪櫃，做到大汗叠細汗都無計。」
在郭偉雄「經手」處理的電器轉贈長者個案，連月來合共超過一百宗。健談的他告訴記者：「我同另外兩、三位義工，通常喺星期六、日出動，每次盡量將架貨Van載滿電器，然後一日之內起碼可以去八個老人屋企，將啲電器送畀佢哋。」
郭偉雄有感而發說：「我接觸過一位婆婆，佢要用個執番嚟嘅破爛櫃，擺放我哋轉送畀佢嘅電視。事實上，好多長者屋企冇基本電器用，有得用嘅床、枱櫈、雜物櫃等，多數都係執番嚟嘅殘舊物資。所以我哋每次轉送啲又新淨又耐用嘅電器畀長者，見幫到佢哋又有意義，就覺得辛苦啲搬搬抬抬都值得嘅。」
從事首飾生意的郭偉雄，一向愛做義務工作，早前透過聖雅各福群會的宣傳單張得知「電器贈長者」計劃，繼而加入服務行列。他最擔心該計劃因缺乏運送電器義工，令服務受影響。「𠵱家喺四、五個義工當中，只得我有架貨Van，可以又揸車又送貨，遲啲我要去外地公幹，轉送電器行動就要暫停，所以希望盡快搵到有車嘅支援義工。」
蘋果基金與聖雅各福群會於去年十二月展開「電器贈長者」計劃，安排轉贈基本家庭電器包括：電視機、雪櫃、洗衣機、電飯煲、電風扇、電熱水器、收音機等。
由於申請電器的有需要長者眾多，該計劃現正招募支援義工，包括﹕
（一）擁有客貨車並持駕駛執照人士，以協助運送電器；
（二）懂簡單維修及安裝電器的技術人員。
查詢詳情，請致電聖雅各福群會，電話﹕28354321、81078324。
暖流熱線
電話：29908688
傳真：23702192
電郵：
網址：