電盈噚日又跌至合併後嘅新低，「小小超」雖增持股份，但只能略將跌幅收窄，八方相信佢都會繼續救電盈，以免成為首隻藍籌毫子股。講起電盈，八方噚日睇到最新一期《遠東經濟評論》，有一篇訪問新加坡電信總裁李顯揚嘅文章。此位「小李」係李光耀之子，當日與「小小超」爭買香港電訊失敗，跟着大家也受到全球電訊股股災衝擊，股價不見一截，新加坡電信市值亦唔見了六成，「小李」被記者問及股價事宜，便將新加坡電信與電盈相比，話亞洲行家全部都好傷。「小李」重話電盈同當日的香港電訊很不相同，跟着當然要送上一句「佢哋都好慘」（It'sbeentoughforthem），唔知係同情定係暗寸。
傳真︰2623-9278
電郵︰