葉世榮的同居女友許韻珊日前猝逝，他昨日與女友家人到紅磡為女友進行法事。
葉世榮昨日穿上黑色的T恤現身，對於有報道指女友家人阻止兩人發展，葉世榮說：「我哋一齊咁多年，佢嘅家人都冇反對過，我女友生前好錫我。」葉世榮已定於本月二十三日在世界殯儀館為許韻珊設靈，以女友生前最愛的香檳色玫瑰布置靈堂，翌日舉殯，並會進行土葬。被問到會否跟女友「冥婚」時，葉世榮說：「其實我一早諗住明年同佢結婚。」
此外，黃家強昨日到新城娛樂台接受訪問，他說：「呢個時候好想畀佢（指葉世榮）靜吓，我都唔方便問咁多。」得悉好友世榮希望為女友入土為安後，黃家強說：「我阿哥（黃家駒）嘅墓邊剛剛有人起咗個墳，我都好想買埋個『吉』位，將來同阿哥傾偈都可以近啲。」