股市前排日日跌，吸引唔少大孖沙入市吸納藍籌股，繼李嘉誠增持長實外，銀行界元老也出手。聯交所資料顯示，恒生銀行名譽主席利國偉喺上周四以每股八十二元七角半買咗三萬股恒生，同一日又以每股八十二元買了一萬股滙豐，總共動用三百三十萬元。
利蛇手持的滙豐同恒生股份，市值達六億元，今次增持的只係九牛一毛，但年屆八十多歲的利爵士退休多時，前排更抱恙入院，出院後相當低調，甚少出席公開場合，佢都肯向滙、恒投以信心一票，大家會否覺得有啟示作用呢？不過，滙恒噚日雖相當硬淨，分別收報八十二元及八十元七角半，但利蛇新買的貨仍要蝕本。
傳真︰2623-9278
電郵︰