昨日有周刊指蔡少芬涉虛報學歷，十七歲參選港姐時根本中學未畢業，蔡少芬的父親亦承認女兒中二便輟學，而蔡少芬的小學校長並將她的成績表公開，主要科目都不及格。
昨日蔡少芬就此事說：「我好唔開心，但點解要搞一個六十幾歲嘅老人家（指父親）？我阿爸係有接受訪問，但唔係報道所講嘅嘢，佢點解要受呢啲壓力？而嗰個校長，枉佢為人師表，都唔識得尊重私隱權。」
蔡少芬續說：「我有考會考，只不過成績唔好啫，考得唔好唔關屋企人事，係我自己冇天份所以冇辦法，我係知書識禮嘅人，亦自問係對社會有貢獻嘅人。」
而無綫大型活動統籌科經理陳紫蓮昨日說：「咁多年前嘅事，而且係人哋嘅私隱，咁都挖番出嚟講？我唔記得當年蔡少芬報嘅學歷，但參選港姐係冇學歷限制嘅，只係有年齡同結婚限制啫！」